RFA-ដោយ កេសរណ្ណីយ្យា
2009-02-11
ទន្ទឹម គ្នានឹងរោងចក្រសហគ្រាសកាត់ដេរនៅក្នុងស្រុកបានបិទទ្វារជាបន្ត បន្ទាប់ដែលបណ្តាលឲ្យកម្មករជាច្រើនម៉ឺននាក់បាត់បង់ការងារហើយនោះ វិស័យអាកាសចរណ៍នៅកម្ពុជាក៏មានការថយចុះផងដែរ។
កាសែតភ្នំពេញប៉ុស្តិ៍ជាភាសាអង់គ្លេសច្បាប់ចេញផ្សាយនៅថ្ងៃ អង្គារ ទី១០ ខែកុម្ភៈ រាយការណ៍ថា ក្នុងឆ្នាំ២០០៨ សកម្មភាពជើងហោះហើរដឹកអ្នកដំណើរនៃបណ្តាយន្តហោះដែលឆ្លងកាត់ចុះចត នៅអាកាសយានដ្ឋាននានាក្នុងប្រទេសកម្ពុជា មានការធ្លាក់ចុះចំនួន៣%បើធៀបទៅនឹងតួលេខក្នុងឆ្នាំ២០០៧។
ទន្ទឹមគ្នានេះតួលេខនៃអ្នកធ្វើដំណើរតាមជើងយន្តហោះក៏មាន ការធ្លាក់ចុះចំនួន១១ម៉ឺននាក់ផងដែរដែលបង្ហាញនូវឱនភាពវិស័យ ទេសចរណ៍ជាការបញ្ជាក់បន្ថែមទៅលើរបាយការណ៍នានាពីក្រុមហ៊ុនទេសចរណ៍ និងសណ្ឋាគារនៅកម្ពុជាថា ចំនួនអ្នកស្នាក់នៅមានការថយចុះរហូតដល់ទៅ៣០%ក្នុងឆ្នាំ២០០៨៕
http://www.rfa.org/khmer/news/cam-airline-dropped-3percent-02112009230104.html
Leave a comment